|
Vic Hendry (1920-2014) è naschì a Cavorgia (Tujetsch). El ha frequentà il seminari scolastic, fatg il studi da magister secundar ed è stà scolast a Tujetsch e Schaffusa (1960-85). Autur d'ina ovra litterar ordvart voluminusa. Il 1957 è cumparida sia emprima collecziun da raquints pli gronda («Tia veglia daventi»). A sia prosa narrativa appartegnan il diari «Discuors cugl assassin» (1970) e las istorgias curtas «En schurnada» (1983). En sia ovra litterara è Hendry s'occupà savens da dumondas socialas e psicologicas. Numerusas da sias ovras èn deditgadas a temas istorics, p.ex. «Ils Saracens vegnan» (1974). Dapi il 1990 ha Hendry era publitgà poesias. Il 2001 ha el retschet il Premi grischun da cultura. [Tenor e-lir].
(Foto: RTR) |
