|
En memoria da l’otgavla Festa da costums svizzers l’onn 1986 a Genevra è vegnì edì in cudesch illustrà cun las pli bellas impressiuns da la festa. En il preambel lauda il cusseglier federal Jean-Pascal Delamuraz la festa e la tradiziun suandantamain: «Il vestgì na fa betg anc il pader. Ma il costum demussa tuttina las colliaziuns e relaziuns da ses purtader. La relaziun cun in lieu ed in origin, cun in mastergn, in’uniun ina funcziun, in stadi. Il costum dat in’identificaziun. El è in segn, in simbol. […] Costum è usit. Maletg antiquà? Cult nostalgic da furmas dal passà? Refusa da l’oz ed – anc dapli – refusa dal damaun? Tuttavia betg: simplamain respect da valurs permanentas da la civilisaziun.» |
