|
Cuntrari al 1914 han las instanzas politicas e militaras preparà la naziun a la Segunda Guerra mundiala ch’ha durà dal 1939–1945. Il 1939 ha la Confederaziun cumprà reservas da graun e da zutger ed ha stipulà contracts d’import e da transit cun l’exteriur. Ils 28 d’avust, dus dis suenter che Hitler e Stalin avevan signà lur patg, ha il Cussegl federal mobilisà las truppas da cunfin, ed ils 30 d’avust ha l’Assamblea federala elegì Henri Guisan sco general. Il Grischun Renzo Lardelli è daventà cumandant dal prim corp d’armada, pli tard dal corp da muntogna novcreà (corp dal reduit). [Tenor e-lir]. |
