|
San Romerio è attestà per l'emprima giada il 1106. La tradiziun orala locala ha affidà l'emprim insediament al moviment dals umiliads, ma i sa tracta probablamain d'ina fundaziun episcopala cun la funcziun d'ospizi a la via tranter Tiraun e Poschiavo. San Romerio disponiva d'in territori da ca. 15 km² che cunfinava cun las vischnancas da Poschiavo, Brüsch, Tiraun, Tovo e Grosotto. Ils fraters e las soras da las communitads vegnivan guvernads d'in rectur u d'in plevon e sustegnids da numerus famegls en l'urbarisaziun dal terren. Il 1517 ha incorporà papa Leo X ils bains al sanctuari da la Madonna di Tirano, accordond a Tiraun il possess ed il dretg da patrunadi. [Tenor e-lir].
(Foto: Marco Zanoli / CC BY 3.0)
|
