|
Passadi a 2407 m che maina da Dialma en la Val Sernft (Glaruna) a Pigniu en la Val dal Rain Anteriur, numnà er Pass Pigniu. Il Veptga serviva als Glarunais per il commerzi da muvel e da martganzia a Glion e sur il Cuolm Val ed il Valragn a Clavenna ed a Com resp. sur il Lucmagn a Ligiaun. L'october 1799 ha il general russ Alexander Suvorov traversà il pass cun si'armada ed ha subì, causa navaglia e fradaglia, grondas perditas dad umans e material. A partir dal 19avel tschientaner è sa diminuì il traffic sur il Veptga. cuntinuadamain. Oz vegn el frequentà mo pli dal militar e dad alpinists. [Tenor e-lir].
(Foto: Paebi / CC BY-SA 3.0) |
