|
Gion Cadieli è naschì il 1876 a Sagogn. Suenter il gimnasi ed il studi da teologia è el stà intgins onns magister gimnasial a Sviz e silsuenter plevon a Vrin (fin il 1918), alura a Trun (fin il 1942) ed a Sevgein (fin il 1950). Cadieli è stà autur da lirica da tempra satirica («L'exposiziun»), sentimentala («La lavina», «Unviern») ed umoristica («La pugniera», «La parlera»). Numerusas da sias poesias èn vegnidas intunadas, tranter auter da Hans Erni, Duri Sialm e Gion Antoni Derungs. [Tenor e-lir]. |
