|
Gion Antoni Bühler (1825-1897) da Domat è stà activ sin ils pli divers champs: sco magister, dirigent da chors e cumponist, schurnalist, linguist e scriptur. En pli è el stà confundatur da la Societad Raeto-romana (abolida il 1880) ed emprim president da la Societad Retorumantscha il 1885. Sco scriptur è el – sper sias numerusas poesias – surtut enconuschent sco translatur dal «Guglielm Tell» (1865) da Friedrich Schiller e sco autur da novellas popularas. Las grondas stentas da Bühler per ina lingua da scrittira rumantscha unifitgada («romontsch fusionau») èn stadas invanas. [Tenor e-lir]. |
