|
Palaia, Ivani, Raimondo, tut schlattainas talianas che nus legiain oz en il cudesch da telefon svizzer e grischun. Suenter la segunda guerra mundiala dovra il progress economic bleras forzas da lavur, dapli che quai che stattan insumma a disposiziun en il pajais. Il 1948 concluda la Svizra ina cunvegna cun la regenza taliana per intermediar lavurers talians, ils quals procuran per in'emprima fasa d’immigraziun en massa. Sin il zenit da la conjunctura auta, l'onn 1973 lavuravan passa ½ milliun Talians en Svizra, da quels 35'000 en il Grischun. Co è quai stà per ils pertutgads? Da nua èn els vegnids e nua èn ils descendents oz?
(Foto: Rike / pixelio)
|
