|
Ils raquints «Heidis Lehr- und Wanderjahre» (1880) e «Heidi kann brauchen, was es gelernt hat» (1881) da Johanna Spyri, publitgads en numerusas ediziuns e translatadas en passa 50 linguas, figureschan tranter ils raquints per uffants ils pli famus en Svizra ed en il mund insumma. La vita preschentada en ils raquints da Heidi, il vitget e l'alp da l'«Alpöhi» furman il tipic maletg da la Svizra ch'ha contribuì al mitus d'in pajais, nua ch'ils umans vivan en innocenza en l'aria pura da las Alps. Las numerusas adattaziuns per film e televisiun, per radio e tribuna, dattan perditga dal success da Heidi. Il film da dissegns animads, per exempel, realisà en il Giapun il 1974 è vegnì emess en l'entir mund. [Tenor e-lir]. |
