|
Igl onn 1835 ha in um cun grondas mirveglias visità las Inslas da Galapagos. Igl era il perscrutader da la natira Charles Darwin. Tgi sa, sche sia renumada teoria d’evoluziun è gist vegnida endament ad el cura ch’el ha dauzà la pitschna Harriet si da terra? En mintga cas sto la tartarughetta da tschintg onns avair plaschì ad el, pertge che Darwin ha prendì ella, ed anc dus auters cumpogns, cun sai a Londra. Il zercladur 2006 è Harriet morta en la bella vegliadetgna da 176 onns. Dapi che Harriet ha bandunà sia patria è sa midà bler. Ozendi èn las tartarugas da Galapagos protegidas. Intginas sutspezias èn gia extirpadas. Las tartarugas gigantas èn periclitadas entras portgs, chauras, giats e ratuns. Quels animals maglian ils ovs u las tartarugas giuvnas. [Tenor ANR]. |
