|
Il vitg da Sevgein è situà sin ina terrassa al sid da la Val dal Rain Anteriur a la sortida da la Val Lumnezia, cun la culegna Isla en vischinanza da Glion. Ultra da purs libers han disponì en il 14avel tschientaner ils baruns de Montalt da gronds possess. Lur chastè da famiglia Casti sa chattava a la via veglia da Sevgein a Pitasch. La baselgia barocca dal 1694, in edifizi impurtant per l'istorgia d'art, è il tschintgavel implant existent dapi il 8avel tschientaner en quest lieu. L'allevament da muvel e la mastergnanza furman anc adina las funtaunas d'entrada principalas. Dapi il 2014 fa Sevgein part da la vischnanca dad Ilanz/Glion. [Tenor e-lir].
(Foto: Adrian Michael / CC BY-SA 3.0) |
