|
La Val de Fascia (talian Val di Fassa, tudestg Fassatal) è ina val ladina en la provinza da Trent. La romanisaziun da la val n'è betg clera: ella è eventualmain succedida pir suenter l'onn 500 tras l'immigraziun da Ladins stgatschads da Gots e Langobards migrants da las valladas vischinas e tras missiunaris cristians d'Aquileia. Ils Fascians han adina refusà lur separaziun da las ulteriuras valladas ladinas. Il 1977 han ins pudì stgaffir il district ladin da Fascia-Moena, ma betg cuntanscher ina posiziun linguistica ed instituziunala eguala a quella dals Ladins da la provinza da Bulsaun. [Tenor e-lir].
(Foto: Bbruno / CC BY-SA 3.0) |
