|
Anteriura vischnanca politica cun las fracziuns da Dorf, Döörfli, Nühuus ed, en il passà, Aebi; fusiunada cun la vischnanca da Spleia il 2006. Oriundamain in territori d'alp, utilisà da la populaziun rumantscha da Schons. Enturn il 1300 èn immigrads Gualsers derivants per gronda part da la Val Formazza. Fin viaden il 19avel tschientaner han ils abitants da Medel/Valragn vivì surtut dal traffic da transit sur il Spleia sco era da l'allevament da muvel e da l'economia d'alp. Las inundaziuns dal 1868 han sfurzà ils abitants da bandunar la culegna dad Aebi. [Tenor e-lir].
(Foto: Adrian Michael / CC BY-SA 3.0) |
