|
Ils mauns e la bratscha, las chommas ed ils pes èn parts dal corp cun moviments cumplexs e cun funcziuns multifaras e sensiblas. En cas d’ina sperdita u d’in disturbi da las funcziuns na datti nagins meds d’agid che pudessan remplazzar cumplainamain questas funcziuns. Ma grazia al svilup da la tecnica d’ortopedia èn ils pazients d’oz, malgrà la paralisa u la mancanza d’extremitads, per gronda part puspè independents. Cun ortesas u protesas adattadas individualmain pon ins cumpensar defects innats u acquistads. Auters meds d’agid permettan da curreger defurmitads resp. da prevegnir a talas e da cumpensar la sperdita u il disturbi da las funcziuns dal corp. |
