|
En l’Europa Centrala existan pliras spezias da chagliastretgs che sumeglian però fitg ina l’autra. Ellas cumparan en saivs vivas, bostgaglia e guauds cun bler glisch e creschan en furma da chaglia u pitschna planta. La planta è adina munida cun spinas d’ina lunghezza da fin 2,5 cm e po cuntanscher ina vegliadetgna da fin 500 onns. Il fritg gusta dultsch-aschin e po vegnir elavurà a cumpot, gelé u suc. En temps da stgarsezza vegniva el er duvrà pli baud per far paun (sco agiunta a la farina), per preparar ina buglia u sco surrogat da café.
(Foto: Kreuzschnabel / CC BY-SA 3.0) |
