|
Il Reginavel dals Francs ha existì tranter il 5avel ed il 9avel tschientaner. El è sa furmà en il territori enturn la chapitala dad Aachen en la regiun da cunfin odierna tranter la Germania, ils stadis dal Benelux e la Frantscha. Il punct culminant areguard sia pussanza ed extensiun ha il Reginavel dals Francs cuntanschì sut Carl il Grond (768-814). Da quel temp cumpigliava el vastas parts da la Frantscha e da la Germania, il Benelux, la Svizra sco er parts da l’Austria e da l’Italia odierna. En il 9avel tschientaner è il reginavel vegnì spartì. En l’ost è sa sviluppà il Sontg Imperi roman, en il vest la Frantscha da pli tard. [Tenor Vichipedia]. |
