SCUVRAMUND – dossiers tematicsMAGLIACUDESCHS – blog da lectura

Il Pitschen Prinzi è in raquint illustrà or da la plima da l'autur franzos Antoine de Saint-Exupéry. L'ovra cumparida l'onn 1943 è tant in cudesch per uffants sco er ina paraula moderna per creschids. Il cudesch sa lascha leger sin differentas modas e manieras uschia ch'ins al prenda adina puspè gugent giud curuna. Che l'istorgia è uschè simpla ed a medem temp uschè cumplexa declera bain er il success mundial dal Pitschen Prinzi: Enfin oz è il cudesch vegnì translatà en varga 180 linguas e dialects. Tar la lectura èn vegnidas creadas 38 unitads didacticas.