|
«Pertge datti bain ina chanzun dad anniversari enconuschenta per tut il mund ma betg ina tala chanzun da bun onn?» Questa dumonda ha tschentà Özay Fecht, chantadura ed actura cun ragischs tircas e sesenta dapi onns a Berlin. Corin Curschellas, chantadura rumantscha, è stada intgantada da questa visiun ed ha cumponì in toc correspundent. Il project ha chattà bleras amias ed amis per tut il mund enturn: Fin uss èn realisadas versiuns en radund 50 linguas – e la glista crescha vinavant. Vus chattais qua las notas, il text, duas versiuns rumantschas e playbacks en pliras tonalitads per sez chantar e laschar fascinar da la chanzun. Bun onn! |
