|
L'Italia è il pajais cun la furma da stival. Quest pajais multifar posseda en il nord cun las Dolomitas ina part da las Alps. Tar l'Italia tutgan era las inslas Sicila, Sardegna ed Elba. Numerusas citads e regiuns èn enconuschentas sin l’entir mund tras edifizis sco la Tur inclinada da Pisa u il Colosseum a Roma, la chapitala da l’Italia. Il stgazi cultural da l’Italia è fitg vast: moda taliana, musica, film, art ed architectura, ma era autos, ballape e betg d’emblidar la renumada cuschina taliana ed il vin. En l’antica furmava il territori da l’Italia odierna il center da l’Imperi roman. [Tenor Vichipedia]. |
