|
Quai che nus numnain «Africa» numnavan ils Grecs antics «Libia », manegiond cunzunt la vart nord tranter il Nil e l’Ocean atlantic. Pir l’Imperi roman da l’Orient, quel da Constantinopel, ha stgaffì duas provinzas numnadas Libia; lur intschess correspundeva a quai che furma ussa l’Egipta dal nordvest e la Libia dal nordost. Ma ils Arabs han conquistà il pajais en il 7avel tschientaner e l’han numnà Barca. En il 16avel tschientaner è’l vegnì la provinza osmana da Tarabulus (Tripolis). L’Italia l’ha conquistà 1912 e l’ha dà 1934 il num «Libia» surpiglià da l’antica. [Tenor LQ].
(Foto: Victor Korniyenko / CC BY-SA 3.0) |
