|
En il rom da sias activitads per promover la chapientscha vicendaivla tranter las cuminanzas linguisticas ha il FORUM HELVETICUM (FH) lantschà ils 10 da november 2008 il project «Linguissimo» che sa drizza a giuvenils tranter 16 e 20 onns. En l’emprima runda vegn organisada ina concurrenza da scriver naziunala en l’internet. Giuvenils da tut las regiuns linguisticas inoltreschan dus texts curts, in davart il tema da la concurrenza, l’auter cun in autopurtret. En la segunda runda s’inscuntran las auturas ed ils auturs da las 30 meglras lavurs a chaschun da «l’inscunter da linguas». Cun il project è collià in «Tour de Suisse»: mintg’onn ha lieu l’inscunter en in’autra regiun linguistica. |
