|
«Radio e Televisiun Rumantscha» è in’organisaziun da communicaziun per emetter emissiuns rumantschas. Ils 17 da schaner 1925 è vegnida emessa l’emprima contribuziun da radio rumantscha. L’iniziant da quest'emissiun era Felix Huonder. Dapi l’onn 1943 vegnan emessas regularmain contribuziuns rumantschas.«Il Balcun Tort», l’emprima contribuziun da la televisiun rumantscha, è vegnida emessa ils 17 da favrer 1963. Quella contribuziun ha commemorà l’anniversari da 25 onns rumantsch sco quarta lingua naziunala da la Svizra. La «Societad Svizra da Radio e Televisiun» (SSR) ha schlargià ils ultims onns il Radio e la Televisiun Rumantscha a meds da massa electronics impurtants. |
