|
Clau da Flia ha vivì dal 1417 al 1487 a Ranft (Sachseln/OW). Sin fundament d'ina visiun ha el construì en la chavorgia da Ranft ina chamona, en la quala el ha vivì isolà da sia famiglia. Ma era sco mistic è el s'interessà vinavant per chaussas secularas. Per cumprovada passa l'influenza medianta ch'il frà Clau ha exercità a chaschun da la conclusiun da la Cunvegna da Stans dal 1481. A partir dal 16avel tschientaner figurescha la persuna dal frà Clau en poesias e texts en prosa d'auturs catolics e protestants. Enturn il 1900 è el daventà la figura simbolica per la reconciliaziun naziunala da Liberals e Conservativs ed, oravant tut durant las duas guerras mundialas, il protectur e patrun da la pasch en Svizra. [Tenor e-lir]. |
