|
Segl è ina vischnanca situada sisum l'Engiadina, cun las fracziuns da Segl-Maria, Segl-Baselgia, Fex e Grevasalvas. Segl ha prendì viva part al turissem en svilup. L'Hotel Waldhaus (1908) è vegnì frequentà da litterats, artists, musicists e filosofs. La chasa, en la quala Friedrich Nietzsche ha abità dal 1881-88, è daventada il 1960 il Museum Nietzsche. Dapi il 1908 circuleschan bartgas per turists sin il Lej da Segl. Cun la construcziun da la pendiculara Segl-Furtschellas han ins avert il paradis da viandar en las muntognas da Segl era al turissem da skis, provocond ina grond'activitad en il sectur da construcziun. [Tenor e-lir].
(Foto: Tschubby / CC BY-SA 3.0) |
