Il maset da palì ha gugent guauds da feglia u guauds maschadads. El preferescha lieus umids plitost che lieus sitgs. El sa chatta regularmain en ierts da fritga, ierts e parcs pli gronds. Ses segns caracteristics èn la verscha naira e glischanta, il bistet pitschen nair e la vart sura brin grischa. El sa nutrescha surtut dad insects e filiens, dentant era da sems, cun ils quals el fa provisiuns l’atun e l’enviern. A chatscha va el sin plantas ed en chaglias, savens er per terra e tscha e là a sgulond. El fa ses gnieus en foras e preferescha foras natiralas en plantas. L’enviern sa mussa el a l’aissa da pavlar.
(Foto: PD via Wikimedia Commons) |