|
Il vitg da Camuns cumpiglia las curts da Camuns cun baselgia ed anteriura chasa da scola, Runs (dapi il 1903), Sutscheins e Masauns, situadas da domaduas varts da la Val da Pala da Tgiern (laviner) sin terrassas aut sur il stradun. Dapi il 1691 furma Camuns in'atgna plaiv, tgirada da paders chaputschins fin il 1921. Il 2002 ha l'anteriura vischnanca fusiunà cun Uors-Peiden, Surcasti e Tersnaus a la vischnanca politica Suraua e dapi il 2013 fa quella part da la vischnanca da vallada Lumnezia. [Tenor e-lir].
(Foto: Parpan05 / CC BY-SA 3.0) |
