|
Il temp da la renaschientscha e da la refurmaziun enconuscha ina ritga tradiziun da texts litterars, ma er da pamflets e d’auters texts stampads che sa confruntan a moda critica cun la ierta medievala ed antica, cun las structuras e malgiustias socialas e politicas e cun dumondas religiusas e filosoficas. Savens vegnivan questas ovras accumpagnadas d’illustraziuns fatgas cun plima betg main gizza. Sco exempel vegn preschentà qua il pictur e dissegnader Tobias Stimmer da Schaffusa (1539–1584) ch’ha lavurà ensemen cun il satiricher e publicist Johann Fischart da Strassburg (ca. 1546–ca. 1590).
(Foto: PD via Wikimedia Commons) |
