Co dian ins «gerader Kreiskegel» per rumantsch u tge è la «cumissiun d’inquisiziun parlamentara»? Cur ch’ins sa mova en il territori dals uschenumnads «linguatgs sectorials» u «Fachsprachen» da la matematica, biologia, politica, giurisprudenza, da l’economia u da l’agricultura n’enconuschan ins savens betg il vocabulari tecnic adattà. Per impedir che las pledadras ed ils pledaders rumantschs eviteschian lur lingua materna e fetschian diever mo dal tudestg, edeschan l’Uffizi per la scola populara ed il sport, la Lia Rumantscha ed autras instituziuns adina puspè glossaris tematics che duajan gidar l’utilisader u l’utilisadra a vegnir a chantun cun la lingua cumplitgada.