L'Institut dal Dicziunair Rumantsch Grischun (DRG) posseda in grond archiv fotografic che cumpiglia radund 26'000 fotografias, dissegns e skizzas en las sequentas collecziuns: collecziun W. Derichsweiler; collecziun Ch. Meisser; collecziun DRG; collecziun chasa purila GR; collecziun A. Maissen; dissegns e skizzas. La DVD «Sguards vers il passà» cumparida 2006 preschenta ina selecziun or dal prezius stgazi fotografic da l'institut. Ella cumpiglia legendas ed in commentari auditiv en rumantsch grischun. L'onn 2011 è cumparida la segunda DVD «Da Tschlin a Tschamut» cun ulteriuras radund 500 fotografias. |