La vallada meridiunala grischuna s'extenda dal Pass dal Bernina fin en Vuclina. Il Puschlav vegn percurrì dal flum Poschiavino che nascha al Bernina (2328 m) e sbucca en l'Adda sin territori talian (414 m). Il Lago di Poschiavo separa la part superiura da la val cun la vischnanca da Poschiavo (lieu principal) da quella inferiura cun la vischnanca da Brüsch (Brusio). Il Puschlav è congruent cun la regiun Bernina. Durant il 19avel tschientaner èn emigrads numerus Pusc'iavins en differents pajais da l'Europa ed en l'Australia. L'installaziun da las Forze motrici di Brusio (1906) e da la Viafier dal Bernina (1908-10) han dà novs impuls a l'economia locala. [Tenor e-lir].
(Foto: Marco Zanoli / CC BY-SA 3.0) |