Il guaud è in element central da noss ambient. L’uman nizzegia ses products sco il lain u sias prestaziuns sco la protecziun e la recreaziun. L’utilisaziun e la cultivaziun dal guaud sco resursa regenerabla sto succeder a moda durabla: tut las funcziuns dal guaud (aspect ecologic, economic e social) ston vegnir resguardadas a moda commensurada. La broschura «Guaud e laina en Svizra» che l’Uffizi federal d’ambient edescha en intervals regulars preschenta l’ecosistem guaud e tracta divers aspects da l'utilisaziun dal lain. |