Flurin Spescha è stà autur liber, publicist e translatur. In emprim success litterar ha el gì il 1986 cun il roman «Das Gewicht der Hügel». Il 1990 è el stà cunfundatur e cunorganisatur dals «Dis da litteratura» a Domat. El ha presidià l'Uniun da scripturas e scripturs rumantschs (USR, oz ULR) dal 1991-95 e redigì la «Litteratura» (organ da questa) dal 1991-98. Il 1993 è cumparida sia ovra «Fieu e flomma», l'emprim roman en rumantsch grischun. Ultra da quai ha Flurin Spescha scrit tocs da teater, numerusas poesias e texts curts en rumantsch e tudestg. [Tenor e-lir].

(Foto: RTR)