Il salamander nair taclà viva en guauds umids e sumbrivauns. Il pli derasà è el en regiuns collinusas ed en las muntognas. Durant il di sa zuppa el sut crappa, en plimatschs da mistgel ed en foras en la terra. Ses zup banduna el per regla mo la notg. El fa chatscha sin verms da plievgia, glimajas ed insects. Sch’ins tutga il salamander, secretescha el in suc alv. Quel è da tissi e fa ch’il salamander è nunmangiabel. El n’ha perquai quasi nagins inimis. [Tenor Biologia].