Suenter la conquistà dal territori tranter las Alps ed il Danubi (15 a.Cr.) è la provinza Rezia vegnida romanisada intensivamain. Or dal latin vulgar e relicts preromans è sa furmada plaun a plaun la lingua rumantscha. Spezialmain tras toponims sa lascha mussar ch'i vegniva er discurrì rumantsch en la Val dal Rain songagliaisa sco er en grondas parts dal chantun Glaruna e da la Planira da la Linth. Suenter il declin da l'Imperi roman (enturn 500) èn ils territoris numnads sco er grondas parts dal Grischun tudestg dad oz vegnidas germanisadas (enfin circa 1500).
(Foto: Markus Bernet / CC BY-SA 2.5) |