Il randurel pitschen è in dals sguladers ils pli elegants. Sias alas èn uschè lungas e sias chommas uschè curtas ch'el na pudess betg partir per terra. El sa sgular cun ina sveltezza da 180 kilometers per ura. El passenta perfin la notg en l'aria e circulescha en in'autezza da fin 3000 meters. Il randurel pitschen è in utschè migrant. La fin d'avrigl u l'entschatta da matg returna el da l'Africa Centrala. El resta mo 3 mais tar nus. El fa ses gnieu sut tetgs da chasas veglias. Ils pèrs da randurels pitschens cuan savens blers onns en il medem lieu. [Tenor Biologia].

(Foto: Keta / CC BY-SA 3.0)