Zutger era pli baud in product da luxus che stueva vegnir importà d'ultramar. Vers la mesadad dal 18avel tschientaner constatescha l’apotecher e chemicher Andreas Sigismund Marggraf ch’ins po gudagnar zutger or da la runcla da pavel. Il scienzà da la natira Franz Carl Achard cultivescha questa runcla fin ch’el arriva tar la rava da zutger dad oz. Tras selecziun gartegi ad el d’augmentar il cuntegn da zutger. L’onn 1802 installescha Achard en la Prussia l’emprima fabrica da zutger da ravas. Uschia perda il zutger ses caracter da luxus e daventa ina part essenziala dal nutriment dal mintgadi da la vasta populaziun.

(Foto: Keith Evans / CC BY 2.0)