Cun var 1'230 km lunghezza e 252'000 km² intschess idrografic è il Rain in dals pli gronds flums da l'Europa. Il Rain collia sis stadis tranter la Mar dal Nord e las Alps e sbucca en vischinanza da Rotterdam en l'Atlantic. El nascha al Lai da Tuma al pe dal Pez Badus (2344 m) e curra alura sco Rain Anteriur vers La Punt/Rehanau, nua ch'el s'unescha cun il Rain Posteriur che ha sia funtauna al Pez Valragn (3402 m). Il Lai da Tuma è er in lieu da viandar attractiv.