Smartvote è in agid d'elecziun concepì a moda scientifica per las elecziuns communalas, chantunalas e naziunalas en Svizra. A basa da dumondas specificas e dumondas davart l'opiniun vegnan elavurads ils profils politics da las candidatas e dals candidats e memorisads en ina banca da datas. Las votantas ed ils votants pon alura respunder a las medemas dumondas. Smartvote recumonda alura las candidatas ed ils candidats che correspundan il meglier a la tenuta politica persunala. Ils profils da las partidas e da las candidatas e candidats restan er a disposiziun suenter las elecziuns. Uschia serva smartvote.ch per exempel er sco program instructiv per l'instrucziun civica. |