La spurella d'aur (popular cuas giat) furma ensemen cun las ulteriuras spurellas ina famiglia singulara entaifer la fletga. Questas plantas existan dapi radund 375 milliuns onns e sa laschan perquai taxar sco fossils vivents. En temps preistorics devi entirs guauds da spurellas gigantas che pudevan cuntanscher in'autezza d'enfin 30 meters. Las restanzas da quests guauds vegnan explotads oz en furma dal charvun da crap.
(Foto: MPF / CC BY-SA 3.0) |