Intginas ervas medicinalas existan sulet en las muntognas: p.ex. la giansauna melna, l’iva e la rena imperiala. Gia baud han ins registrà che las ervas da muntogna èn pli pitschnas, ma pli savurusas. En il 18avel tschientaner è il «Schweizertee» da plantas alpinas daventà renomà en l’entira Europa. «Chrut u Uchrut», il cudeschet ch’il plevon Johann Künzle da Zezras ha publitgà il 1911, è vegnì vendì dus milliuns giadas. Quai è in success che paucs cudeschs svizzers han gì. Cun la medischina moderna èn las ervas idas en emblidanza. Ils ultims decennis han ellas puspè gudagnà terren. [Tenor ANR].

(Foto: Diana Mohr / pixelio)