La cua graduada da la sbrinzlina è pli che mez uschè lunga sco l'entira lunghezza da 14 cm. Ils utschellins, sumegliants als masets, furman gruppas e sa movan en il chagliom da bostga e da saivs vivas, laschond udir cuntinuadamain in fin tschivel. Els gnivan en guauds da bostgam averts, cun preferenza en vischinanza da l'aua. Il gnieu da mistgel en furma d'ov ha be ina pitschna avertura da la vart. La sbrinzlina da la cua lunga cua en la Bassa ed en cuntradas avertas da las Alps dal Giura fin a circa 1000 meters sur mar.

(Foto: David Friel / CC BY 2.0)