Sent ha furmà fin la fin dal 19avel tschientaner la vischnanca cun ils pli blers abitants da l'Engiadina. Il 1576 ha Sent introducì sco davosa vischnanca da l'Engiadina Bassa la refurmaziun. Ecclesiasticamain ha er appartegnì Ischgl a Sent (fin il 1616). Sent aveva acquistà là territoris da pasculaziun; a quai regorda il fatg ch'il territori communal s'extenda anc oz en la Val Fenga. Tranter il 1499 ed il 1921 è il vitg da Sent daventà victima da plirs incendis. Dal 18avel fin viaden il 20avel tschientaner han bleras chasas a Sent obtegnì las caracteristicas «culmainas da Sent». Dapi il 2015 fa Sent part da la vischnanca da Scuol. [Tenor e-lir].

(Foto: Aconcagua / CC BY-SA 3.0)