L'anteriura vischnanca da Sontg Antönia è resortida il 1979 da la fusiun da Sontg Antönia Castels e da Sontg Antönia Rüti. L'onn 2007 ha la vischnanca fusiunà cun Sontg Antönia Ascharina e dapi il 2016 appartegna quella a la vischnanca da Luzein. Runcadas tras ils Gualsers ed extracziuns da minerals a Gafien han decimà ils guauds e provocà gronds donns da lavinas. Ils onns 1935-77 han ins realisà al Küenihorn il pli grond rempar da lavinas da la Svizra. La construcziun dal stradun ils onns 1895-99 ed il servetsch d'autos postals han promovì il turissem che procura per circa in terz da las plazzas da lavur. [Tenor e-lir].

(Foto: Horgner / CC BY-SA 3.0)