Saas è in abitadi en il Partenz construì lung la via sin ina terrassa. A l'ost da Saas regorda dapi il 1915 il monument d'Aquasana als cumbats da retratga dals Grischuns durant la Sullevaziun dal Partenz l'onn 1622. Catastrofa da lavina 1689 ed ina gronda bova sin la spunda Rufineta 1931. Rempars da lavinas, torrents e bovas èn vegnids construids dapi il 1970. D'impurtanza economica è l'alp da Saas sco regiun dad ir cun skis e viandar (Madrisa). Saas pativa fermamain dal traffic da transit tras il Partenz; il sviament è vegnì avert il 2011. Il 2016 ha Saas fusiunà cun Claustra-Serneus. [Tenor e-lir].

(Foto: Bernina / CC BY-SA 3.0)