Il vitg da Sur (Sour) è situà en la part sura dal Surses (Surgôt). L'anteriura vischnanca cumpigliava culegnas d'alp a Flecs (alp Flix). Flecs furmava oriundamain ina culegna da stad da Rumantschs. En il 14avel tschientaner èn sa domiciliads qua Gualsers d'Avras; a partir dal 15avel tschientaner ha Flecs furmà in abitadi permanent. Oz è questa terrassa lunghenta a 1970 m enconuschenta per sia flora unica en ses gener. Dapi il 2016 fa Sur part da la vischnanca da vallada Surses. [Tenor e-lir].
(Foto: Gion Linder / CC BY-SA 3.0) |