Filisur è situà a 1084 m lung la via da la vart dretga da l'Alvra, cun l'aclaun da Valplauna (1504 m) sin la spunda sanestra da la Val da la Landwasser. La part superiura da la Val d'Alvra era vegnida colonisada da Rumantschs en il temp autmedieval, ils culms da Valplauna da Gualsers en il 15avel tschientaner. Il schlargiament da la via da l'Alvra 1855-58 e l'avertura da la lingia da la Viafier retica en l'Engiadina 1903 ed a Tavau 1909 han fatg da Filisur in impurtant center da traffic stradal e ferroviar. In'attracziun è il viaduct sur la Landwasser al nord dal vitg. Il 2018 ha Filisur fusiunà cun Bravuogn a la vischnanca da Bravuogn Filisur. [Tenor e-lir].

(Foto: Adrian Michael / CC BY-SA 3.0)