L'onn 955 ha Otto I legà a l'uvestgieu da Cuira sia curt a Zezras (scuverta il 2010), il 966/67 ha el cedì la suveranitad sur la duana. Numerus edifizis luxurius dal 17avel tschientaner dattan perditga da la predominanza da la famiglia Salis. Suenter il 1790 è Zezras daventà in center dals Patriots. La viticultura tradiziunala, la pumicultura e la cultivaziun da verdura han subì grondas perditas a la fin dal 19avel tschientaner en consequenza d'epidemias e d'imports da l'Italia, ellas flureschan dentant puspè grazia a la dumonda creschenta da quels products. [Tenor e-lir].

(Foto: Adrian Michael / CC BY-SA 3.0)