Durant il temp da gnivaziun è l'anda fustga mo fitg darar en Svizra. L'enviern percunter la pon ins observar sin tut ils lais e flums pli gronds en la planira. Tranter il Lai da Genevra ed il Lai da Constanza vivan l'enviern mintgamai 50 000-90 000 andas fustgas da l'Europa Settentriunala ed Occidentala. L'anda fustga fa part da la famiglia da las andas sfunsadras e sa nutrescha oravant tut da conchiglias, lindornas da l'aua ed insects da l'aua. Ella sfunsa per circa ina mesa minuta en ina profunditad da 3-5 m.
(Foto: Mike Scott / CC BY 2.0) |