Il gener dals mutschigners cumpiglia be paucas spezias da bulieus indigenas. Il segn distinctiv è il vel: da giuven zuglia quel tut il bulieu ed è fitg mutschignus. La basa dal pe è tar tuts mutschigners da colur mellen d’ov. Surtut il mutschigner fustg ha questa caracteristica. Las lamellas èn grossas, stattan fermamain dapart e cuntinueschan giu dal pe, savens èn ellas surtratgas cun verdarom. La pulvra da las sporas è adina nairenta.
(Foto: Gerhard Koller (Gerhard) at Mushroom Observer / CC BY-SA 3.0) |