Verdabbio è in abitadi en la part centrala dal Mesauc, cun la fracziun da Piani di Verdabbio. Il territori da l'anteriura vischnanca è partì en duas parts tras il territori da la vischnanca da Cama. L'intschess principal cun il center sa chatta sin la spunda dretga dal Mesauc, Piani di Verdabbio s'extenda sin la spunda sanestra da la val. L'agricultura è stada per tschientaners l'activitad principala dals da Verdabbio ch'èn era emigrads sco vaidrers en tut l'Europa, sco commerziants en Germania e sco picturs da paraids en Frantscha. Dapi il 2017 fan Verdabbio e Leggia part da la vischnanca da Grono. [Tenor e-lir].